近來收到兩個電話叫我去見工 (為左方便起見，已刪除無聊之對話) 1. 女：「黃小姐，唔知你得唔得閒下星期黎見工呢？份工係Financial Consultant 」 我：「我無申請呢個職位喎」 女：「你申請果個職位剛剛滿左位。而我地睇完你既resume覺得你好適合呢個位」 我：「Em…我諗都係唔需要喇 唔該曬」 女：「呢份工人工好好架。你上黎半個鐘聽下做咩先囉」 我：「都係唔駛喇，唔該」 2. 女：「黃小姐，我地係aldjhdjfgv公司 (講得太快太lur聽唔到) 我地收到你份resume，希望你下星期一可以上黎interview。份工係skgjkjf…...marketing…...ajhfskjgf….. trainee (又係好lur)」 我：「啊~ 咁請問係邊度 ，幾多點？」 女：「我地總公司響中環，如果你唔方便都可以去尖沙咀見架」 我：「(真係咁想我上黎？！) 咁請問我申請既係咩職合位呀？」 女：「我唔知喎，好似係admin。不過剛剛滿左位」 我：「咁呢份係咩黎話？」 女：「skjgbakjegaj 」(響五個字裡面我又係淨係聽到marketing同trainee兩個字) 我：「啊~咁唔駛喇唔該」 各位朋友 (我又要好似警訊咁) 如果你自己或親友們遇到以上情況 請小心 其實上一上去佢唔會溶左你既 我只不過唔鍾意佢呃我。明明請A職位，打黎又係另一份 仲要緊張過我，好想好想我上去咁 最重要既係自己無興趣做呢類型既工作 順帶一提 出呢d手法既公司都係關於保險、基金的 如果無興趣就唔好浪費彼此既時間喇 各位！請小心小心！ P.S. 我當然無申請以上兩間公司既工啦~ 就係唔知點解佢地又會有我既resume 囉~ 一個謎~ | 
